මාරියා කියන්නෙ බඩුවක්ද ?
Posted by
අපි හැමදාම උත්සාහ කලේ මෙහේ ඉන්න අපේ ලාංකිකයන්ට සංගීතය සපයලා විනෝදාස්වාදය සපයන අතරම ඒ හරහා එක එක චැරිටි වැඩ වලට යම් කිසි සම්මාදමක් ලබාගන්න තමයි. ඒ විදිහට අපි මෙහේ තියන හෙළබිම කියන සංවිධානයක් එක්ක එකතු වෙලා 2010 මැයි මාසෙ සංගීත ප්රසංගයක් පවත්වලා මුදල් හොයාගෙන අපේ රට බේරගන්න පෙරමුණට ගිහින් අද වෙනවිට අභාධිත තත්වයට පත්වෙලා, අසරණ වෙලා ඉන්න රණ විරුවන්ගේ සුභ සාධනය උදෙසා ව්යාපෘතියක් සම්පූර්ණ කලා. හෙළබිම සංවිධානයෙන් මේ දවස්වල තවත් ප්රංගයක් සංවිධානය කරගෙන යනවා. අවසාන සටනින් අත් පා අහිමි වූ අපේ වීරෝධාර රණ විරුවන්ට කෘතිම අත් පා ලබාදීම තමයි ඒ ප්රසංගයේ අරමුණ. ලංකාවෙ පවත්වපු "රණවිරු රියල් ස්ටාර්" රියලිටි වැඩසටහනේ ජයග්රහණය ලැබූ රණවිරුවන් තමයි මේ ප්රසංගයේ ගීත ගායනා කරන්න නියමිත වෙලා තියෙන්නෙ. අපිත් මේ දවස්වල ආත බූත කඩාගෙන පුහුණුවීම් කරන්නෙ ඒ ප්රසංගයට සංගීතය සපයන්න අපේ වාදක කණ්ඩායමට ඇරයුමක් ලැබිලා තියෙන නිසයි.
මොනව උනත් අපේ පුහුණුවීම් හරිම විනෝද ජනක ලෙස ගෙවිලා යනවා. විශේෂයෙන්ම ඒ අපේ කණ්ඩායමේ ඉන්න බේස් ගිටාර් වාදක "කින්චා" නිසා. කිංචා අපේ තාත්තටත් වඩා වුරුදු දෙකක් විතර වැඩිමල් උනාට අපිට කට පුරෝලා "මචං" කියලා කියන්නෙ කිසිම ලෝබ කමක් නැතිව. ඉතිං මේ අපේ කිංචා ගැන කියනවනං, පොර ඇවිල්ලා ලංකාවෙ කණ්ඩායම් සංගීතය පටන් ගත්ත කාලෙ ඉඳන්ම කණ්ඩායම් සංගීතයේ යෙදී ඉන්න වෙටරන් කෙනෙක්. කොටින්ම කියනවනම් ඔය ලංකාවෙ මුල් කාලේ ප්රසංග වල සංගීතය සපයපු "සුපර්ස් ස්ටාර්ස්" සංගීත කණ්ඩායමත් එක්කත් අපේ කිංචා වාදනය කරලා තියෙනවා. කොච්චර වෙටරන් කෙනෙක්ද කියනවනම් කියනවනම් සුපර්ස් ස්ටාර්ස් සංගීත කණ්ඩායමේ අය තරුණ කාලෙත් අපේ කිංචා නාකියි.
ඊලඟ දේ තමයි අපේ කිංචාට සිංහල භාෂාවෙ සමහර බරපතල වචන නුහුරු නුපුරුදු වීම. පොර සිංහල කතා කරන්නෙ බිලිං ගෙඩියක් කාලා සුද්දෙක් විසිල් ගහනවා වගේ. මොකද කිංචා ඇවිල්ලා උපතින්ම බර්ගර් ජාතිකයෙක්. ඉතින් ඔය සමහර සිංහල වචන කින්චට තේරුම් ගන්නෙ පොරටම ආවේනික විදිහට. ඒ වගේම මිනිහගේ ලොජික් දැනුමත් සෑහෙන්න අන්තිමයි.
ඔන්න දවසක් කිංචා අපෙන් අහනවා,
"මචං, චන්ද්රසේන හෙට්ටිආරච්චියි නිහාල් නෙල්සනුයි තරහයිද ?"
"ඈ...? ඒ මොකෝ කිංචෝ එහෙම අහන්නෙ.....?"
“නෑ බං මම ලංකාවෙ නිවාඩුවට ගිහිලා ඉන්න වෙලාවක සංගීතයක් බලන්න ගියා. චන්ද්රසේන හෙට්ටිආරච්චි ඇවිල්ලා කිව්වෙ අර ‘නාවල අන්නාසි’ කියන සින්දුව. ඒකෙ තියෙනවනේ අර ‘නුවර පොල් හොදී, කොළඹ මස් කරී’ කියලා. පොර එහම කියලා බැහැලා ගියා විතරයි, නිහාල් නෙල්සන් ස්ටේජ් එකට නැගලා කියනවා ‘එපා එපා මස් කන්නට’ කියලා....! දෙන්නා තරහා නැතිනම් ඌ එහෙම කියනවද දෙනෝ දාහක් ඉස්සරහා ?”
කින්චා එයින් නවතින්නෙ නෑ. උගේ ගීත විචාර තවත් ඉදිරිපත් කරනවා...!
"ඔන්න බලපන්, අපේ රටේ ගායකයන්ටත් ප්රතිපත්තියක් නෑ....! බලපන් දැන් එඩ්වර්ඩ් ජයකොඩි....! පොර ස්ටේජ් එකට නැගලා කෙල්ලෙක්ට එන්න කියනවා මෙන්න මෙහෙම........."
“මිණි මිණි පොද වැටේවි මල් මිණි දැදිරි වේවි ඔබ එනවා නම්...... දේදුණු පාලම උඩ හැන්දෑවේ...... මම ඉන්නම්”
ඔන්න ඊට පස්සෙ පොරම කියනවා,
“ඔබ තෙමෙයි කියා බයයි වැසි වැටේ සුළං තදයි......” කියලා.
ඉතින් බං කොහොමද කෙල්ලෙක් හිත හදාගෙන මූව බලන්න පාලම උඩට එන්නෙ ?
ඔන්න තවත් දවසක් නිවාඩුවට ලංකාවට ගිහිල්ලා ආපු කිංචා දවසක් ඇවිත් ලංකාවෙ ගායකයන්ට පළු යන්න බනිනවා මෙන්න මෙහෙම,
“ෂිහ් මචං, ලංකාවෙ සදාචාරය බල්ලට ගිහිල්ලා තියෙන්නෙ. දැන් මුන් මලකට ඉන්න දෙන්නෙත් නෑනේ. මල් එක්කත් වල් කං කරන්න කතා කරනවා.....”
"ඇයි කිංචෝ, මොකද උනේ....?"
“ඇයි බං උඹලා ඇහුවෙ නැද්ද අර අළුතෙන් සින්දුවක් ඇවිත් තියෙන්නෙ...”
“සුදු අරලියා මල... පිපුනේ ඇයි තනිව.... ලිංගික ඇසුරකට... මට දැන් අවසරද.... “ කියලා
“මොකක් කිව්වා ? මොන ඇසුරක් ? කිංචෝ, ඒ සින්දුවේ තියෙන්නෙ ලෙංගතු ඇසුරකට කියලා...” අපි බඩවල් අල්ලගෙන හිනාවෙනවා..
"ලෙංගතු ? මොකක්ද බං ලෙංගතු කියන්නෙ.....!" කිංචා අහනවා...
කිංචා ලංසියෙක් නිසා ඌට ලෙංගතු කියන වචන්ගේ ඇහෙන්නෙ "ලිංගික" කියලායි. අනික ලෙංගතු කියලා වචනයක් උගේ ශබ්ධ කෝෂේ නෑ....!
කිංචා ආපහු වැරදියට තේරුම් ගත්ත සින්දුවක් තමයි අර පරණ කැලිප්සෝ සංගීත කණ්ඩායමක් වෙන "මීමැස්සො" සංගීත කණ්ඩායම ගායනා කරන "මුළු ගතම වෙහෙසුනා - දහඩියෙන් නැහැවුනා" කියන සින්දුව.
ඔන්න කිංචා දවසක් කියනවා,
“මොන රෙද්දකටද බන් වේසියෝ කම්මලේ දුක් විඳින්නෙ........?”
“කිංචෝ, මොනවද බං කියවන්නෙ ?” අපිත් තක්කු මුක්කු වෙලා අහන්වා...
ඇයි බං අර සින්දුවේ තියෙන්නෙ,
"වේසීලා..... දුක් විඳලා....කම්මලේ යකඩ තලා..........! උන් මොකටද බං දුක් විඳ විඳ කම්මලේ යකඩ තලන්නෙ ?”
අනේ ඉතින් අපේ බඩවල් හොයා ගන්න නෑ..... කොර වෙලා කුඩු වෙලා යනවා....!
"කිංචෝ, වේසීලා නෙමෙයි යකෝ, ඒකෙ කියන්න වෙහෙසීලා කියලා...." අපිත් යන්තන් ඌට තේරුම් කරලා දෙනවා....
ඔන්න මේ අළුත්ම ජවනිකාව උනේ මේ ඊයේ පෙරේදා. ලඟ එන ප්රසංගයට එක ගායකයෙක් ගායනා කරන "මාරියාවේ" කියන ගුණදාස කපුගේ මහත්මයාගේ අපූරු ගීතය පුරුදු පුහුණු වෙනකොට.
"මචං.... මාරියා කියන්නෙ බඩුවක්ද ?" ඔන්න කිංචා අහනවා....
මේකා ආපහු වලිගේ පාගගෙන කියලා දන්න අපිත් අහනවා..
"ඇහි බං එහෙම කියන්නෙ....?"
"ඇයි බං, ඕක තේරෙන්නෙ නැද්ද ? මාරියා කියන හොර ගෑණි ආපු දවසෙ ඉඳන් ගෙදර කචල් කියලනේ බං මේ සින්දුවේ තියෙන්නේ...!"
මාරියාවේ . . . මාරියාවේ . . . මාරියාවේ . . . මාරියාවේ ඔහෙ නවතින්නේ - සමාවෙලා මේ දුක අහපන්නේ වියරු විලාසෙන් ඇයි නුඹ එන්නේ - වළා - ලයට ඉඩ දී පලයන්නේ
නුඹ ආ දා සිට පැල අඳුරේමයි - සතුට සාම සොම්නස නොරැඳෙන්නේ මේ දුක් දෙන්නට ඇයි නුඹ එන්නේ - වළා - ලයට ඉඩ දී පලයන්නේ
නුඹ ආ දා සිට නිවුණු ලිපේ ගිණි - හද තුළ මෙළවී ඇවිළෙන්නේ මේ දුක් දෙන්නට ඇයි නුඹ එන්නේ - වළා - ලයට ඉඩ දී පලයන්නේ
කිංචගේ බූට් දෙකට බැහැලා, ඌ හිතන විදහට ලොජික් එක හිතලා ඇහුවහම තමයි මූ මේ ඇත්තනේ කියන්නෙ කියලා හිතෙන්නෙ.....!
හැමදෙනාම දන්න මෙවැනි සින්දු කොමික් කෑලි සේරම එකතැනකට එකතු කරපු පට්ටම පෝස්ට් එකක් බවට මේ පෝස්ට් එක පත්වේවා...
ReplyDeleteමෙන්න මගෙන් සම්මාදම... අහුලගත්තේ අපි නොදන්න ලයිව් එකෙන් වගේ මතක...
ක්ලැරන්ස් විජේවර්ධන මහත්මයා ගයන "මලේ හැන්දෑවේ වහින වෙලාවේ..."කියන ගීතයේ මලේ කියන වචනේ තේරුම මොකද්ද කියලා කෙනෙක් අහනවා...
"මලේ කියන්නේ මල්ලිට නේද...?"
"නෑ නෑ..."
"එහෙනම් මලකටද..?"
"නෑ බන් නෑ..."
"එහෙනම්..?"
"මලේ කියන්නේ මැරුණේ කියන එකයි... මැරිලා තියෙන්නේ හැන්දෑවක වහිද්දී... මම හිතන්නේ අකුණක් ගහලා... ඒකයි කියන්නේ මලේ හැන්දෑවේ වහින වෙලාවේ කියලා..."
කිංචා කියන්නේ, අර එදා පැදුරට ආව කෙනා නේද..?
ReplyDeleteGreat post dhumee aiyya........
ReplyDeleteදුමියත් එක්ක ඉන්න මිනිස්සුන්ට ඉතින් දෙයියංගෙම පිහිටයි . ඇයි ඉතින් සිද්ද වෙන දේවල් දුමියා ලංකාවේ සෑහෙන දෙනෙකුට බෙදා හරිනවා නෙව ලෝබ නැතුව
ReplyDeleteඑල එල ..හොඳ සින්දු කෑලි ටික . දැන් ඉතින් මම ඔවුවා මතක තියාගෙන මම දන්න කෙනෙක් කල කී දේවල් වගේ මගේ මිතුරු සමාජයටම බෙදා හරිනවා ..
ලිංගික ඇසුරකට තමා එලම කෑල්ල
හප්පට සිරි කිව්වලු...
ReplyDeleteThis comment has been removed by the author.
ReplyDelete//මලේ මටත් හිතයි කරන්න ආදරේ.....//
ReplyDeleteමූ ඒ සින්දුවට GAY සින්දුවක් නොකිවවොත් තමයි පුදුමෙ...
ඔය කිංචට ලෙංගතු අය එහෙම නැද්ද දුමී අයිය??
ReplyDeleteඔය ගායකයො මේ කතා දන්නවනං කිංචට සෑගෙන්න සලකයි නේ! :D
මලේ....... මටත් හිතයි කරන්න ආදරේ......
ReplyDeleteඔය සිංදුව පොඩි කාලෙ අහනකොට මට හෙණ අප්සෙට්! මට හිතාගන්න බෑ සිංදුව කියන්නෙ මල්ලිටද? නැත්තම් මලකටද කියලා :-P
එකත් එකටම කිංචාට සිංහල කියවන්නත් බෑ. ඒක තමයි දුමී අයියා බය නැතුව ඉන්නෙ :D
ReplyDeleteඉස්සර සිංදුවක් හෝ ගීතිකාවක් තිබුන සාන්ත ලුසියා කියල ඒක කට්ටියට ඇහෙන්නෙ කන් කලු සීය කියලලු. අපේ පුතා පොඩිකාලෙ සියඹලා වෙළෙන්ද සියඹලා කියල කෑගහල විකුනනකොට ගෙයි ඉඳං පුතා කැගහනව සීය මලා සීය මලා කියල.හරියට ඔහොම ඒව තිබුන දැං මතක් වෙන්නෙ නැහැ.
ReplyDeleteබිලිං ගෙඩියක් කාලා සුද්දෙක් විසිල් ගහනවා වගේ. අර ඔක්කොමත් හරි මේකත් හරි. ඇඟත් එක්ක හිරිවැටිලා යනවා.
ReplyDeleteමෙන්න තවත් විචාරයක් - සඳේ ඔබ ඇයිද මේ යාමේ- සින්දුව කෙල්ලෙක් ගැන බලාපොරොත්තු තියා ගෙන හිටපු කොල්ලෙක් හැඩි දැඩි පිරිමියෙක්ගෙන් අතවරයට පත් වෙලා ලීව එකක් කියන්නෙ හැබෑද ? සඳ කියන්නෙ ගෑණු නම් ඉර කියන්නෙ ?
ReplyDeleteසමහර සින්දු වල තේරුම් හොයන්න ගියහම නම් ...
ReplyDeleteපුංචි ළමයි තමයි සින්දු වලට හොඳ හොඳ තේරුම් දෙන්නේ..
පාවි වළා ඈත කඳු බලා ( මේකේ ඉන්නේ වළහෙක් )...
දුමී මේ දවස් වල ලංකාවෙ යන මොබිටෙල් එම් ටියුන් ඇඩ් ටිකත් මේකටම ගැලපෙනවා.
ReplyDeletehttp://www.facebook.com/video/video.php?v=10150359403576139
අර ලිංගික කථාව නම් මරු
ඇස් වලින් දොඩන්නෙ ඇයි ඔයා
ReplyDeleteමට හිතෙන්නේ අදරෙයි කියා...
රූකාන්ත මහත්තයගේ ගීතයට පුංචි කාලේ අසනි හරි ආසයිලු...
"චාච්චි ඇස් වලින් දොඩං බොන්නේ ඇයි..කට නෑද එයාගේ"අහනවළු...කොහොමද ටිකිරි මොලේ..
සොමියට වරෙන් පුතා අඟුරු ගාල නෑ දොරේ....
ReplyDelete"කිංචා" මයා නම් විහිලුවටයි බාසාවේ අවුලටයි කියනවා ඇත්තේ
ReplyDeleteඒත් බං දුමී සමහරු සිරාවට කියනවානේ බං
බීටල් : ඇහුවමයි මචෝ - ආය ඉතින් ඒ සින්දුව අහලා ඉවරයි :-)
This comment has been removed by the author.
ReplyDeleteලෙස්බියන් සිංදු ගැන දැනගන්න මෙතනට යන්න.
ReplyDelete@සොඳුරු සිත:
ඔය කියන්නෙ ජැක් කාරයෙක් නුවර බස් එකේ ය්නව කියල නෙමේද ???
@ ඕනයා
ReplyDeleteහැබෑම තමයි.
පොරගේ සිංහල සාහිත්ය ආශ්රිත දැණුමනම් අන්තිම ඉහලයි වගේ.... අයියලටත් ෆන් ලෝකයක් වෙන්න ඇති පොර ඉන්න කොට...!
ReplyDeleteයකෝ තෝ නම් මාර පොරක් .. එක පාරක් බ්රයන් අයියා . . එක පාරක් අහිංසක මම් . . මෙදා පොටේ කිංචා . . . හෆොයි තෝ ලඟ පාතක ඉන්නවනම් කටට ඉබ්බෙක් දාගෙන ඉන්න එක සැපයි වහේ . .
ReplyDeleteදුමියා ඇසුරු කරන යහළුවන්ට අබ සරණයි...
ReplyDeleteමාරියාවේ කියන්නේ ගෑනු ලමයෙක්ගේ නමක් නේන්නම්. හී හී .
ReplyDeleteෂෝයි කට්ටියනේ ඔහේ ඉන්නේ.
සඳ මිදුලට එනවා.......
ReplyDeleteඒ පාර මේකත් මඩ බ්ලොග් එකක් වෙලා
ReplyDelete// සුදු අරලියා මල... පිපුනේ ඇයි තනිව.... ලිංගික ඇසුරකට... මට දැන් අවසරද....//
ReplyDeleteපට්ටම පට්ට ඕයි, ලොවෙත් නෑ.. හික්ස් :D
'කොටියෙකි මාමේ' අහල තියෙනවද?
ReplyDeleteමම ලඟදි කතන්දර සයිට් එකේ පෝස්ට් එකක දකිනකන් හිතා හිටියෙ
ප්රේම කුරුල්ල කූඩු හැදුවෙ 'රත්නපුරේ' කියල.
හප්පේ මූ මාර පොරක් නේ ....
ReplyDeleteදිවට යෝග ව්යායාම දුන්නනම් හරි කිංචගේ
ReplyDelete"ලිංගික ඇසුරකට" - සුපිරි!
ReplyDeleteඅඩේ ඇත්තම තමයි කියල තියන ඒවනම්
ReplyDelete"ලංකාවෙන් මලක් පිපී සැලෙන්නෙ"
ReplyDelete"ප්රේම කුරුල්ලා පියාඹා ආවා රත්නපුරේහී කුඩු තනාලා"
"බිම්බරක් සෙනඟ ගැවසුණ චන්ද්රසෝමයා ඉපදුන"
ඇයි අර වවුල පැටියට කියන එක.
"රෑනේ ඉගිලෙන්න ඕනේ
දෑස පෙනෙනා ඉමේ
විහඟුන් වාගේ පියාඹා
පාවි මේ ගං තෙරේ"
මොකද වවුලන්ට පේන්නෙ රෑනෙ!
බීට්ල් + ඉන්දික මරු ගීත විචාර දෙක... ඔක්කොම හොඳා... ලේ පිරිසිදු කරගත්තා...
ReplyDeleteදුමී අයියා ඔටු හන්දියේ ඉන්නේ කියලා දන්නවා වුනාට අදයි දන්නේ සංගීතෙට බරයි කියලා... මේ ඒ කිව්වම මතක් වුනේ... අපේ බෑන්ඩ් එකේ මුල් කාලේ හිටියා අපේ ප්රැක්ට්රිස් වලට විතරක් ගායනා කරන ගායකයෙක්... සනා කියලා... ඌ සින්දු කියන්නේ එවේලේ පද රචනය කරගෙන... මියුසික් නවත්තලා බඩ අල්ලන් හිනාවෙන දවස්... ඕන පදං... මේං එයින් දෙකක් !!!
“කිරි දුන්නේ දරුවන්ටයි සිදුරෙන් ඈගේ...“ (සිරුරෙන් ඈගේ)
“ඩේලියා මලෙන් සුවඳ ගන්න සීතල රටට - වේලිලා තියෙන දවසට ඔබ ඇවිත් යනවද ?“ (මේ ලියා තියෙන දවසට ඔබ ඇවිත් යනවද?)
හක් හක්... පට්ට පෝස්ට් එක දුමී අයියේ.... කමෙන්ට්ස් ටික ත් සුපිරි...
ReplyDeleteදුමී අයියගේ යාළුවා ආයෙම ලංකාවට ඇවිත් ඉවරයි වගේ.. මොනවා උනත් කිංචානම නියම මනුස්සයෙක්නේ..
ReplyDeleteකට කහනවට කියන කථා බලන්න ආවේ නම් අදමයි... ඇත්ත තමයි හිතලා බලනකොට ඔක්කොම ඇත්ත තමයි අය්යා.......
ReplyDeleteපුදුම මනුස්සයෙක් නේ !!!
ReplyDeleteමේ වගේ මිනිස්සු එක්ක එකට වැඩ කරන එකේ මහත් වෙන එක අහන්නත් දෙයක් ද ?
අර සුදු අරලියා මල ගන කියපු සිංදුව නම් මරු !!!
අපේ අප්පච්චි දවසක් වැඩ ඇරිලා ගෙදර ආපු ගමන් අපේ අම්මට කියනවා "ඒයි බලනවකෝ ඕයි අද කාලේ සිංදු ගන්න හසරක් නෑ !!! මහ වල් සිංදු !!!"
ReplyDelete"මොකද්ද ඒයි අහපු සිංදුව ?" අපේ අම්මා ඇහුවා.
"අර තියෙන්නේ සිංදුවක් ඉමිටේශන් මාල පොටේ පාත ගෑනු නාන වෙලේ කියලා !!!"
අපේ අප්පච්චි එහෙම කිව්වා විතරයි මට හිනා වෙලාම පන නෑ.
හරිම සිංදුව තමයි...
"ඉමිටේශන් මාල පොටේ පාට ගෑවුනාම ගෙලේ
සඳක් වගේ පායා එන සිනහව මනරම්..."
හික් හික් මොනවා උනත් කිංචා ගේ ශබ්ද කොෂේ උවමනා කරන වචන ටික නම් ඔක්කොම තියනවා වගේ...නිතර කනට අහන්න ලැබෙන වචන වෙන්න ඇති මගේ හිතේ...
ReplyDeleteකිංචා...... හික් හික්
ReplyDeleteහපොයි දෙයියනේ දුමී අයියෙ හුස්ම ගන්ඩ බැරියෝ.......
ReplyDeleteහික්ස්.මූ අහන්නෙම හෙන තාර්කික ප්රශ්න නේ.
ReplyDeleteඉස්සර අපි නොදන්න ලයිව් එකෙත් ඔය වගේ පට්ට සින්දු වගයක් ගියා
දැන් නම් ඔය සින්දු අහල හමාරයි .
ReplyDeleteඅෆ්ෆෝ... ඩුබායි වල ඉතින් දැන් කිංච වසල හමාරයි..
ReplyDeleteඅනේ කිංචෝ... මිත්ර ප්රතිරූපක සේවනයෙ විපාක..
ReplyDelete..................
මේක මම අහපු එකක්... චන්ද්රිකා නෝනග කාලෙ..
ආච්චි..: " ඔන්න බලපං පුතේ මුං මැතිනි එක්ක තරහට කොරන වැඩ... පාරෙ තාර ටික රෑට රෑට කන්නෙ.."
මුණුබුරා..: "කවුද ආච්චියෙ තාර කන්නෙ.."
ආච්චි..: : " ඇයි බං ඔය රේඩිවෙකේ කියන්නෙ.. . ඈ.. තාරකාවී.. මේ රාත්රියේ... කියල.. "
හැමෝටෝම මොහොමත් ස්තූතියි පල කල අදහස් වලට. තනි තනියෙන් උත්තර බැන්දෙ නැති උනාට තරහා වෙන්න එපා....!
ReplyDeleteකමෙන්ට් වලින් තව නොදන්න ගොඩක් සින්දු කෑලි දැනගන්න ලැබුනා.....!
දුමීලගේ ගෙදර පවත්වපු පැදුරු පාටියට ආව අය දන්නවා කවුද කිංචා කියන්නෙ කියලා....! එදත් බේස් ගිටාර් එක ප්ලේ කලේ කින්චා තමයි....!
මූනු පොතේ 'පොඩි කුමාරිහාමි' කෙනෙක් ඉන්නවා කියලා හැමෝම මගෙන් අහලා එවලා තියනවා ඒ මමද කියලා. අනේ මම නම් මූනු පොතේ නෑ හොඳේ. ඒ වෙන පොඩි කුමාරිහාමි කෙනෙක්. පොඩ්ඩි නම් නෙමේ...ඊලඟට තව කොහෙන් හරි ප්රවීනා පලිපාන කෙනෙකුත් එයිද දන්නේ නෑ. අනේ ඕං මම නම් නෙමේ.
ReplyDeleteකිංචට හැන්ගෙන්න වලක් කපා ගන්න කියන්න ඕන . .
ReplyDeleteඕයි මඩ ගහනව කියලා ඔහොම ගහන්න හොඳද ඕයි . . . හික් හික් හික්
කිංචා ලෙංගතුකම දන්නෙ නැතිවුනාට ලිංගික වචනෙ නම් හොඳට අඳුරනවා වගේ
ReplyDelete"ලංකාවෙන් මලක් පිපී සැලෙන්නෙ"
ReplyDelete"ප්රේම කුරුල්ලා පියාඹා ආවා රත්නපුරේහී කුඩු තනාලා"
ඈ....... මේ දෙක වැරදි නං හරි ඒවා මොනවද අප්පා... මාත් හිතන් ඉන්නේ දැන් වෙනකං මේවා හරි කියලානේ.
********************************
අපේ නංගි කියපු දෙකක් මතක් වෙනවා
1. මිදුලේ වැලි මාලිගාවේ - චක් ගුඩු ගුඩු විය ලබන්න
2. රන් සමනල ජෝඩු බබාගේ
හෙලබිමේ රන්දීප හෙන හොරා උඹ පරිස්සමෙන් ඌත් එක්ක වැඩ කරපන්, මම හොඳටම දන්න දෙයක් කිව්වෙ.. පස්සෙ උඹේ ඇඟෙත් කුනු ගෑවෙයි
ReplyDeleteathal katahawa dumnee ayya! oya kinchata wayasa keeyada dan?? :D
ReplyDeleteohoma sinduwak ape ekek kiyanawa mehema -
ReplyDeleteara sinduwak thiyenne suwada roosa mal kakuli kiyala
muu ape eka kellek dakiddi ooka kiyanawa
motta mooda mee haraki - oya suwadata sitha baduni kiyala! :D :D
ඔන්න මමත් ආවා. කියවපු පළවෙනිම පොස්ටුව දැකලා මට හිනා ගියා හැක හැක හැක :)))) මාර කතා තමයි හිකිස්.
ReplyDeleteපට්ට....!!! හිනාවෙලාම බඩගිනි හැදුනා. දැන් යන්ට ඕනෙ බත් ටිකක් කන්ට (පිට උගුරෙ යයිද මන්දා ) :)
ReplyDeleteඕනයාට පිංසිදුවන්නට මෙතනට ගොඩවැදුනා මටනම් හිනා ගියෙනෑ. තාමත් හිනා තියෙනවා ඕන්. චරිත ගැන අවබෝදයනම් අඩුයි මට හිතෙන්නෙ මෙ බ්ලොග් සමජෙට මම අලුත් හන්දා වෙන්ටෑ .. කමක් නෑ පස්සෙ හරි යයි . එහෙම හිත හදා ගන්නවා ඕන් ..
ReplyDeleteමචන් උබ මෙහෙම කල කියල දැනගත්තොත් කිංච බඩ කපාගෙන උගේ පස්චාත් බාගය පොලේ ගහගෙන මැරෙයි බන්
ReplyDeleteඉඩක් ලැබුන වෙලාවක අලුතින් පටන් ගත්ත මගේ මකර ගුහාව පැත්තෙත් ඇවිල්ල, අඩුපාඩු ඇතොත් පෙන්නලා දීල යන්න කියල මම ආදරයෙන් ආරාධනා කරනවා
හක හක හක... මගේ බඩටත් මොනව වුනා ද දන්නනෑ..... :D
ReplyDeleteලොවෙත් නෑ පට්ට පෝස්ට් එක කමෙන්ට්ස් ටිකත් දෙවනි නෑ තාම හිනා ඕයි කාලෙකට පස්සේ හොදට හිනා වුනා
ReplyDeleteඅපිත් ඉතින් කතාවක් දෙකක් ගැන කියන්න යන්නේ. ඇවිල්ල බලල යන්න අමතක කරන්න එපා.
ReplyDeleteබඩා මාමාගේ ළමා කතන්දර
අයියෝ... හිනා වෙලාම පණ ගියා පෝස්ට් එකටයි, කමෙන්ට්ස් ටිකටයි.... :)))
ReplyDeleteඅර කිව්ව වගේ ඔය සින්දු ටික නම් රස විඳලා ඉවරයි ආයෙ....
කියන්න වචන නෑ හුස්ම හිරවෙනවා තව ඩිංගෙන් හිනාව තද කරන් ඉන්න ගිහිල්ලා අයේ නම් දවල් වෙලාවක තමයි මේක කියවන්නේ අම්මෝ......
ReplyDeleteනියමෙට ලියනවා තව ලියන්න මේවා කියවද්දි හිතේ කරදර සේරම අමතකයි
පෝස්ට් එක කියවලා යන්තම් පන නොගිහින් බේරුනා. කොමෙන්ට් ටික කියෙව්වම බේරුන පනත් ගියා වගේ...... වැරදිලා වත් මම මෙතන හුස්ම හිරවෙලා මලා නම් කව්ද හැබෑට වගකීම බාරගන්නෙ.?
ReplyDeleteබීටල් කිව්ව කතාව තව විදිහකට මෙහෙමත් මම අහලා තියෙනවා.
ReplyDeleteඑක මනුස්සයෙක්ගේ අහද්දී දුක හිතෙනම ගීතයලු "මලේ හැන්දෑවේ වහින වෙලාවේ" මොකද මෑන්ගේ මල්ලි හරි කවුරු හරි සමීප නෑයෙක් මැරිලා තියෙන්නේ හැන්දෑවක වහිද්දී :))
පට්ට පෝස්ට් එක දුමී. මාත් ඔහොම එකක ලිව්වා ගිය අවුරුද්දෙ "උගෙ වර්ෂන් එක, මගෙ ව්ර්ෂන් එක සහ හරි වර්ෂන් එක" කියලා, 'මට හිතෙන හැටි' බ්ලොග් එකට.
ReplyDeletehenryblogwalker the Dude
තව සිංදු ටිකක්- සදාදර නයෝ ඔබේ මංගල දිනේ(නයා ගෙ මඟුල් දවස)/ ඈ තාර කාවී(කෙල්ලෙක් තාර කනව)/ සඳ මිදුලට එනවා(හඳ පෘතුවියට කඩාවැටි ලෝක විනාශය)/ පියබා යනවා මා ආකාශයේ අවසානයි ප්රේමාදරේ (කොල්ලා කෙල්ලව දාලා ප්ලෙන් එකෙන් රට යනවා)/ ලස්සන නම් නෑ පෙනෙන්නේ-ඉස්සර සුවඳයි දැනෙන්නේ - එදා සොඳුරු ප්රිය දසුන්-මෙදා සිහිනයකි කසුන් -මතක් වුනත් අමිල සැපතකී (අළුත් වැසිකිලිය පරන වුනාම මතක් වීම)
ReplyDeleteපට්ට යකෝ...
ReplyDelete